जय जोहार। सीएम भूपेश बघेल (CM Bhupesh Baghel) ह आज विश्व वानिकी दिवस के अवसर म विधानसभा परिसर के कार्यालय कक्ष म आयोजित कार्यक्रम म राज्य सरकार के महत्वाकांक्षी ‘‘मुख्यमंत्री वृक्ष सम्पदा योजना’’ के सुभारंभ कार्यक्रम म सामिल होवत हे। मुख्यमंत्री ह वृक्ष सम्पदा योजना के सुभारंभ के अवसर म सामुदायिक वन संसाधन अधिकार जारी करे के प्रक्रिया ल Track करे बर Mobile App के लोकार्पण करीन ।
मुख्यमंत्री वृक्ष सम्पदा योजना छत्तीसगढ़ म वाणिज्यिक वृक्षारोपण ल बढ़ावा दे ल मुख्यमंत्री के पहल म ए योजना ल सुरू करे जावत हे । सबो वर्ग के किसान के पड़त भूमि म वाणिज्यिक वृक्षारोपण होही। 33 जिला के 23 हजार 600 किसान डहार ले 36 हजार 230 एकड़ म वृक्षारोपण करे जाही। ए योजना म राज्य सासन डहार ले 5 एकड़ तक वृक्षारोपण बर 100 प्रतिशत अनुदान जारी करे गेहे। 5 एकड़ ले जादा क्षेत्र म वृक्षारोपण बर 50 प्रतिशत वित्तीय अनुदान दे जाही।
किसान, इच्छुक भूमि स्वामी, सासकीय, अर्ध सासकीय अउ सासन के स्वायत्त संस्था, निजी शिक्षण संस्था, निजी ट्रस्ट, पंचायत अउ भूमि अनुबंध धारक मुख्यमंत्री वृक्ष सम्पदा योजना के लाभ उठा सकत हे। ए बछर 12 प्रकार के प्रजाति के वृक्ष के रोपण करे जाही। एमा नमें क्लोनल यूकलिप्टस’, रूटशूट टीक, टिश्यू कल्चर, चंदन, मेलिया दुबिया, सामान्य बांस, टिश्यू कल्चर बम्बू, रक्त चंदन, आंवला, खमार, शीशम अउ महानीम के पौधा रोपा जाही।
No Comment! Be the first one.