सीएम भूपेश बघेल ह मुख्यमंत्री दर्पण वेबसाइट अऊ मोबाइल एप के करिन लोकार्पण
जय जोहार…. मुख्यमंत्री भूपेश बघेल ह आज अपन निवास कार्यालय म कलेक्टर कांफ्रेंस के पहिली मुख्यमंत्री दर्पण वेबसाइट अऊ मोबाइल एप के लोकार्पण करिन। ए वेबसाइट के जरिये सीएम भूपेश बघेल ह राज्य सरकार के सुराजी गांव योजना समेत आन प्लैगशिप योजना के नियमित मानिटरिंग कर सकही। ऊहचे ए वेबसाइट अऊ मोबाइल एप के जरिये आम जन ल ए योजना के जानकारी ह आसानी ले प्राप्त हो सकही। ए वेबसाइट अऊ मोबाइल एप के निर्माण ल चिप्स के तरफ ले करे गे हे।
सीएम बघेल ह चिप्स के अधिकारी मन ल बधाई देवत हुये कहिन कि मुख्यमंत्री दर्पण पोर्टल अऊ मोबाइल एप के जरिये सीधे मुख्यमंत्री सचिवालय ले योजना के प्रगति के समीक्षा अऊ निगरानी होही। ऊहचे योजना के सब्बो जानकारी ह समय म नागरिक मन बर घलो उपलब्ध रही।
मुख्यमंत्री बघेल ह कहिन कि ए पोर्टल के तरफ ले समस्या के समाधान घलो उपलब्ध कराय जाही। मुख्यमंत्री वार्ड कार्यालय योजना के अंतर्गत नागरिक ह अपन समस्या अऊ जानकारी के फोटो खींच के एप म तुरते भेज सकत हे। जेला एडमिन के माध्यम ले निराकरण बर संबंधित अधिकारी ल भेजे जाही अऊ निराकरण होय तक निगरानी करे जाही।
