chhattisgarh: सीएम ह आंगनबाड़ी मन म मनाए जावत वजन तिहार के करीन वर्चुअल सुभारंभ
जय जोहार। सीएम भूपेश बघेल ह आज (chhattisgarh) रईपुर के अपन निवास कार्यालय म बाल विकास विभाग डहार ले मनाए जावत वजन तिहार के वर्चुअल सुभारंभ करीन।
ए अवसर म (chhattisgarh) सीएम बघेल ह रईपुर, दुरूग अउ जगदलपुर जिला के लईका अउ ओखर माता, आंगनबाड़ी कार्यकर्ता मन ले वजन तिहार अउ एखर महत्ता के बारे में चर्चा करीन। सीएम बघेल ह 5 बछर तक के सबो लईका मन के अनिवार्य रूप ले वजन करा के ओखर सुपोसण स्तर के मूल्यांकन करे के अपील करीन।
ए अवसर म स्कूल शिक्षा मंत्री डॉ. प्रेमसाय सिंह, महिला एवं बाल विकास मंत्री अनिला भेंडिया, मुख्य सचिव अमिताभ जैन, मुख्यमंत्री के अपर मुख्य सचिव सुब्रत साहू, मुख्यमंत्री के सचिव सिध्दार्थ कोमल सिंह परदेशी, (chhattisgarh) महिला एवं बाल विकास विभाग के सचिव रीना बाबा साहब कंगाले, संचालक समाज कल्याण पी. दयानंद, संचालक महिला अउ बाल विकास विभाग दिव्या मिश्रा उपस्थित रिहीन ।
