chhattisgarh रोजगार मिसन के राज्य स्तरीय कार्यालय के सीएम ह करीन सुभारंभ, पढ़व

जय जोहार…. मुख्यमंत्री भूपेश बघेल ह नेताजी सुभाषचंद्र बोस की जयंती के अवसर म आज इहां अपन निवास कार्यालय ले वीडियो कॉन्फ्रेंसिंग ले छत्तीसगढ़ (chhattisgarh) रोजगार मिसन के राज्य स्तरीय कार्यालय के राजधानी रईपुर म सुभारंभ करीन।

छत्तीसगढ़ म अवइया पांच बच्छर म रोजगार के 12 से 15 लाख नवा अवसर के सृजन करे के उद्देश्य ले (chhattisgarh)राज्य सासन ह छत्तीसगढ़ रोजगार मिसन के गठन करे हे। कारीकरम के सुरुवात म मुख्यमंत्री बघेल ह नेताजी सुभाषचंद्र बोस के चित्र म पुष्प अर्पित कर ओमन ल नमन करीन।

ए अवसर म खेल, युवा कल्याण मंत्री उमेश पटेल, मुख्य सचिव अउ छत्तीसगढ़ (chhattisgarh) रोजगार मिसन के उपाध्यक्ष अमिताभ जैन, अपर मुख्य सचिव सुब्रत साहू, प्रमुख सचिव कौशल विकास, तकनीकी सिक्षा, रोजगार अउ छत्तीसगढ़ रोजगार मिसन के मुख्य कार्यपालन अधिकारी डॉ.आलोक शुक्ला, वित्त सचिव अलरमेलमंगई डी.,मुख्यमंत्री के सचिव सिद्धार्थ कोमल परदेशी, डॉ एस. भारती दासन, मुख्यमंत्री के उप सचिव सौम्या चौरसिया घलो उपस्थित रिहीन ।