Chhattisgarh: सीएम भूपेश बघेल ह सुकमा म करिन अलग-अलग विकास कार्य के भूमिपूजन अऊ लोकार्पण, पढ़व
जय जोहार…. (Chhattisgarh) सीएम भूपेश बघेल ह सोमवार के सुकमा वासी मन ल करीब 225 करोड़ रुपया के विकास कार्य के सौगात दे हे। जिला मुख्यालय म आयोजित आमसभा म सीएम बघेल ह 149.45 करोड़ रुपया के 62 विकास कार्य के भूमिपूजन करिन। एखर संगेसंग 75 करोड़ के विकास कार्य के लोकार्पण करे हे।
(Chhattisgarh) सीएम बघेल ह जेन कार्य के लोकार्पण करे हे, ओमा तालनार-कोडरीपाल मार्ग के शबरी नदी म 10.96 करोड रुपया की लागत ले उच्च स्तरीय पुल, 1 करोड़ 10 लाख रुपया के लागत ले स्वामी आत्मानंद उत्कृष्ट अंग्रेजी माध्यम स्कूल भवन के उन्नयन कार्य, 16 करोड़ रुपया के लागत ले एकलव्य आदर्श आवासीय विद्यालय, 6 करोड़ रुपया के लागत ले कन्या उच्चतर माध्यमिक विद्यालय सुकमा, 5 करोड़ 52 लाख रुपया के लागत ले छिन्दगढ़, दोरनापाल और कोन्टा के तीन मुख्यमंत्री सुपोसण केन्द्र सामिल हे।
ए दौरान (Chhattisgarh) सीएम बघेल ह समाज कल्याण विभाग, पशुधन विकास विभाग अऊ मत्स्य विभाग, कृषि विभाग के तरफ ले संचालित अलग-अलग योजना के तहत 214 हितग्राही मन ल 65 लाख 74 हजार 930 रुपया के चेक प्रदान करे हे। उहचे 54 हितग्राही मन ल सामग्री अऊ उपकरण ल प्रदान करिन। ए मऊका म सीएम बघेल ह आसानी ले स्वास्थ्य सुविधा ल पहुंचाय बर 50 स्कूटी अऊ दो एंबुलेंस घलो प्रदान करिन।
