Chhattisgarh: सीएम भूपेश बघेल ह करिन अंबिकापुर म राज्य के पहिले गोधन एम्पोरियम के उद्घाटन, पढ़ो पूरा खबर

जय जोहार…. (Chhattisgarh) सीएम भूपेश बघेल ह आज अंबिकापुर म प्रदेश के पहिले गोधन एम्पोरियम के उद्घाटन करे हे। ए एम्पोरियम म गोधन न्याय योजना के तहत गौठान म खरीदे गे गोबर ले महिला समूह के तरफ ले निर्मित होवत अलग-अलग उत्पाद के विक्रय करे जाही।

ए एम्पोरियम म गोबर ले महिला समह के तरफ ले बनाए गे लकड़ी, ईट, दीया, धूप बत्ती, अगरबत्ती, खिलौना, सजावटी समान समेच घनजीवामृत बेचे बर उपलब्ध रही। (Chhattisgarh) महिला मन के तरफ ले गोबर अऊ बेसन के संग आन प्राकृतिक उत्पाद के मिश्रण ले घनजीवामृत तैया करे जावत हे। एखर उपयोग ले भूमि के उर्वरता ह बाढ़त हे।

गोधन उत्पाद विक्रय सह प्रदर्शनी केन्द्र के रूप म अंबिकापुर के कला केंद्र मैदान के सामने गांधी स्टेडियम के प्रवेश द्वार के निकट गोधन एम्पोरियम के शुरुआत करे जावत हे। (Chhattisgarh) एम्पोरियम के संचालन ल गौठान प्रबंध समिति के तरफ ले नगर निगम अऊ राष्ट्रीय शहरी आजीविका मिशन के मार्गदर्शन अऊ निगरानी म करे जाही। ए एम्पोरियम खुले ले नागरिक मन ल गोधन उत्पाद ल खरीदे म सुविधा होही।