जय जोहार। (Raipur) मुख्यमंत्री भूपेश बघेल ह आज दुर्ग जिला के भिलाई म सेफ ड्रिंकिंग वाटर क्लीनिक के लोकार्पण करीन । वॉटर क्लीनिक के माध्यम ले भिलाई के 10 हजार के आबादी ल आर ओ युक्त वाटर के सुविधा मिल सकही । ए क्लीनिक के क्षमता 25000 लीटर प्रतिदिन के हे अउ हरेक घंटा 5000 लीटर वाटर फिल्टर करे जा सकत हे ।
एखर बर रिवर्स ऑस्मोसिस टेक्नोलॉजी के उपयोग करे जाही । टीडीएस ल मेंटेन करे बर हाईटेक टेक्नोलॉजी के घलो उपयोग होही । जेन व्यर्थ के पानी होही, ओखर गार्डन म यूज हो सकही । (Raipur) मुख्यमंत्री ह ए पहल क्र सराहना करत हुये किहीन कि शुद्ध पेयजल मनखे मन के बुनियादी आवश्यकता हे । ए संबंध म नगरीय क्षेत्र म सतत इंफ्रास्ट्रक्चर खड़े करे जात हे।
ए दिशा म सेफ ड्रिंकिंग वॉटर क्लीनिक जइसे पहल महत्वपूर्ण साबित होही । (Raipur)उल्लेखनीय हे कि एखर संचालन भारत सेवाश्रम संघ डहार ले करे जात हे । ए दउरान विधायक देवेंद्र यादव ह प्रोजेक्ट के बारे म विस्तार ले मुख्यमंत्री ल जानकारी दीन । ए अवसर म महापौर नीरज पाल समेत अतिथि, स्थानीय जनप्रतिनिधि अउ मनखे मन ह उपस्थित रिहीन ।
