cm भूपेश बघेल ह जेईई अऊ नीट बर मुफ्त परिवहन के व्यवस्था के दे हे निर्देश
जय जोहार…. सीएम (cm) भूपेश बघेल ह सबो जिला कलेक्टर ल आईआईटी जेईई अऊ नीट परीक्षा के परीक्षार्थी मन ल परीक्षा केंद्र तक लाय अऊ वापसी बर मुफ्त परिवहन व्यवस्था के निर्देश दे हे। सीएम बघेल ह कलेक्टर मन ल जारी निर्देश म केहे हे कि परीक्षा म शामिल होवइया परीक्षार्थी मन के संख्या के आधार म आवश्यकता के अनुसार बस, मिनीबस, जीप आदि वाहन के व्यवस्था ल सुनिश्चित करे जाए।
सीएम (cm) बघेल ह सबो जिला कलेक्टर मन ल एखर बर जिला नोडल अधिकारी नियुक्त करने अऊ क्षेत्रीय परिवहन कार्यालय अऊ जिला परिवहन कार्यालय ले ए संबंध म समन्वय करे के निर्देश दे हे।
सीएम (cm) बघेल ह निर्देश म केहे हे कि लॉकडाउन के सती बस सेवा ह संचालित नई होवत हे। अत: बस आपरेटर ले तुरंत बस के व्यवस्था कराये जाए। आईआईटी जेईई परीक्षा ह एक सितम्बर ले होवइया हे। एखर सती परीक्षार्थी मन बर बस 31 अगस्त ले चलाना होही। राज्य म लगभग 13500 परीक्षार्थी ह ए परीक्षा म शामिल होही।
