cm ह 14850 शिक्षक भर्ती प्रक्रिया म एक सप्ताह के भीतर रिपार्ट दे के अधिकारी मन ल दे हे निर्देश

जय जोहार…. सीएम (cm) भूपेश बघेल ह कोरोना संकट काल म बेरोजगार युवा मन ल राहत दे बर एक अऊ बड़का कदम उठाय हे। वो हा स्कूल शिक्षा विभाग के अधिकारी मन ल 14580 पद म भर्ती के प्रक्रिया म एक सप्ताह के भीतर रिपोर्ट ल प्रस्तुत करे के निर्देश दे हे।
सीएम (cm) बघेल ह शिक्षा विभाग के तरफ ले विज्ञापित पद के भर्ती म होवत विलंब ल गंभीरता ले ले हे। सीएम ह विभाग के वरिष्ठ अधिकारी मन ल तलब कर अप्रसन्नता जाहिर करे हे। सीएम ह शिक्षा विभाग के अधिकारी मन ल कहिन कि विज्ञापित पद म भर्ती के संबंध म पूरा रिपोर्ट एक सप्ताह के भीतर ओखर समक्ष प्रस्तुत करे जाए।
सीएम (cm) ह कहिन कि शिक्षा विभाग के विज्ञापित पद म जल्द भर्ती प्रक्रिया ल पूरा करे जाए। भर्ती के प्रक्रिया म अनावश्यक विलंब अऊ लापरवाही बर्दास्त नई करे जाही।