chhattisgarh: सीएम भूपेश बघेल ह राम वन गमन पर्यटन परिपथ के प्रचार बर रथ ल हरी झंडी दिखा के करिन रवाना
जय जोहार…. (chhattisgarh) सीएम भूपेश बघेल ह तीजा-पोरा तिहार के अवसर म आज रायपुर के अपन निवास परिसर ले राम वन गमन पर्यटन परिपथ के प्रचार बर विशेष प्रचार रथ ल हरी झंडी दिखा के रवाना करिन।
ए रथ म एलईडी स्क्रीन के माध्यम ले भगवान राम के चौदह साल के वनवास के दौरान छत्तीसगढ़ (chhattisgarh) ले हो के जवइया सबो स्थल के बारे म जानकारी दे जाही।
ए विशेष प्रचार रथ ह सबो पांच संभाग, जिला, विकासखण्ड अउ गांव म जा के राम वन गमन पर्यटन परिपथ के बारे म एलईडी प्रदर्शनी के माध्यम ले लोगन मन ल जानकारी दे जाही।
सीएम बघेल ह कहिन कि जनभागीदारी बर राम वन गमन पर्यटन परिपथ विकास कोष के गठन करे जाही। ए कोष म एकत्रित राशि ल देवालय अउ देवगुड़ी के विकास म घलो लगाय जाही।
ए अवसर म मुख्यमंत्री की धर्मपत्नी श्रीमती मुक्तेश्वरी बघेल, पर्यटन मंत्री ताम्रध्वज साहू, महिला अउ बाल विकास मंत्री श्रीमती अनिला भेंड़िया, सचिव पर्यटन अन्बलगन पी., छत्तीसगढ़ (chhattisgarh) पर्यटन मंडल के प्रबंध संचालन श्रीमती इफ्फत आरा समेत कई जनप्रतिनिधि मन ह उपस्थित रहिस।
