Chhattisgarh: सीएम भूपेश बघेल ह पशुपालक हितग्राही मन ल गोबर खरीदी के 5 करोड़ 56 लाख के करिन आनलाइन भुगतान
जय जोहार…. (Chhattisgarh) सीएम भूपेश बघेल ह राजधानी म अपन निवास कार्यालय ले छत्तीसगढ़ गोधन न्याय योजना के तहत 41035 पशुपालक हितग्राही मन ल गोबर खरीदी के पांच करोड़ 56 लाख रुपया के आनलाइन भुगतान करिन। एला मिला के प्रदेश म अब तक 1 लाख 36 हजार गोबर विक्रेता मन ल 59 करोड़ 8 लाख रुपया के भुगतान हो चुके हे।
ए अवसर म (Chhattisgarh) सीएम बघेल ह कहिन कि प्रदेश म गांव के अर्थव्यवस्था ल मजबूती प्रदान करे म गोधन न्याय योजना ह एक महत्वपूर्ण योजना हे। एखर तहत बनाए गे गौठान ह गांव म रोजगार बर महत्वपूर्ण केन्द्र साबित होवत हे। इहीं सती सबा वर्ग के लोगन मन ह ए योजना के प्रति बिसेस रूचि दिखावत हे अऊ एखर ले जुड़ के तेजी ले आय अर्जित करे म लगे हे।
(Chhattisgarh) सीएम बघेल ह कहिन कि गौठान के समिति समेत स्व सहायता समूह ल कृषि महाविद्यालय अऊ कृषि विज्ञान केंद्र ले घलो जोड़ के अऊ जादा सक्रीय अऊ गतिशील बनाए जाए। गौठान के स्वावलंबी होय पर ओ मन ल शासन ले राशि के आवश्यकता नई होही।
