cm भूपेश बघेल ह गोबर विक्रेता मन ल 8 करोड़ रुपया के करिन आनलाइन भुगतान, पढो पूरा खबर

जय जोहार…. सीएम (cm) भूपेश बघेल ह आज वीडियो कांफ्रेंसिंग ले गोधन न्याय योजना के तहत राज्य के 83809 गौपालक अऊ गोबर विक्रेता मन ल चौथइया किस्त के रूप म 8 करोड़ 2 लाख रूपया के आनलाइन भगतान संबंधित के खाता म करिन।

ये राशि एक सितंबर ले 15 सितंबर तक राज्य के 3122 गौठान म खरीदे करे गे चार लाख एक हजार 475 क्विंटल गोबर के खरीदी के एवज म करे गे हे। ए योजना के हत अब तक कुल 20 करोड़ 72 लाख रूपया के भुगतान करे जा चुके हे।

ए अवसर म सीएम (cm) बघेल ह करिन कि प्रदेश सरकार ह अपना वादा ल पूरा करत हे। किसान, गरीब अऊ मजदूर मन के हित के संरक्षण बर हमर मन के प्रतिबद्धता हे। वो हा कहिन कि हमन ह कर्ज माफी ल ले के धान खरीदी, सिंचाई कर के माफी, बिजली बिल के हाफ करे जाय के वादा ल पूरा करे के संग राज्य के किसान अऊ गरीब तबका लोगन मन के बेहतरी बर कई अभिनव योजना सुरु करे हन।

सीएम (cm) बघेल ह कहिन कि राजीव गांधी किसान योजना अऊ गोधन न्याय योजना ले किसान अऊ ग्रामीण मन के आर्थिक स्थिति ल बेहतर बनाय के प्रयास करे जावत हे। सीएम बघेल ह केन्द्र सरकार के तरफ ले कृषि संबंधित तीन अध्यादेश के उल्लेख करत हुए कहिन कि ये तीनों कानून ह किसान अऊ आम लोगन मन के हित म नई हे। एखर ले किसान, कृषि मजदूर के संगेसंग आम लोगन मन के घलो आजीविका ह प्रभावित होही।