CM Bhupesh Baghel ह करीन कई ठान घोसना, बोरसी अउ पटरीपार म खुलही आत्मानंद स्कूल, बेडमिन्टन कोर्ट अउ खेल मैदान के होही उन्नयन
जय जोहार। सीएम भूपेश बघेल (CM Bhupesh Baghel) ह भेंट-मुलाकात कार्यक्रम के दउरान आज दुर्ग शहरी विधानसभा के गंजमंडी पहुंचीन । वोहा गंजमंडी म क्षेत्र के विकास बर कई ठन विकास काम के सौगात दीन। सीएम श्री बघेल ह घोसना करीन कि लईका मन ल गुणवत्तापूर्ण शिक्षा दे बर बोरसी अउ पटरीपार म आत्मानंद स्कूल खोले जाही ।
वोहा नगर निगम दुर्ग के कार्यालय भवन के निर्माण अउ विधानसभा के विभिन्न वार्ड म बेडमिन्टन कोर्ट अउ खेल मैदान के उन्नयन कराए के घलो घोसना करीन। सीएम भूपेश बघेल ह किहीन कि जेल तिराहा ले मिनी माता चौक तक फोरलेन सड़क अउ बघेरा म ब्रह्मकुमारी आश्रम के सामने सड़क निर्माण कराए जाही ।
एखर संग वोहा मुक्तिधाम के उन्नयन अउ निर्माण, इंदिरा मार्केट के संधारण काम, मटन-मछली मार्केट के पुनर्निर्माण, लाल बहादुर शास्त्री शाला भवन के निर्माण, शहर के बाह्य क्षेत्र म पाईप लाइन के विस्तार कराए , शहरी क्षेत्र के कई ठन स्कूल के संधारण समेत बाह्य विकास क्षेत्र म सड़क, नाली अउ विद्युत सुविधा के विस्तार कराए के घोसना करीन ।
