बेंगलुरू/ रायपुर। कर्नाटक के जनता मन 12 मई के अपन नवा मुखिया चुनेही। आज प्रचार-प्रसार के शोर थम जाही। अंतिम दिन भारतीय जनता पार्टी अउ कांग्रेस दूनों दल मन ह अंतिम दिन प्रचार म पूरा जोर झोंक दिस। बीजेपी के स्टार प्रचार अउ मुख्यमंत्री रमन सिंह ह घलो रोड शो करिस।
मुख्यमंत्री रमन सिंह ह ट्वीट करिस कि कर्नाटक के हेबल विधानसभा क्षेत्र म भाजपा प्रत्याशी के संग रोड शो करेव, ये मउवका म उमड़े जनसैलाब अउ जनता के प्यार वे ये स्पष्ट होगे कि कांग्रेस के 50 सीट घलो नइ आही अउ येदियुरप्पा के नेतृत्व म बीजेपी के सुशासन के कमल खिलही। श्री सिंह बीजेपी के स्टार प्रचारक हवय। सीएम रमन पहिली घलो कर्नाटक म बीजेपी के चेहरा येदियुरप्पा के समर्थन म प्रचार कर चुके हे। बीजेपी के राष्ट्रीय अध्यक्ष अमित शाह घलो प्रचार-प्रसार म पूरा दम झोंक दिस। ये चुनाव म जमके वार-पलटवार देखे बर मिलित हे।
