स्कूल मन के वातावरन ह गुरूकुल जइसे होय बर चाही : रमन सिंह

रायपुर । मुख्यमंत्री रमन सिंह आज अपन साप्ताहिक कार्यक्रम रमन के गोंठ के माध्याम ले 35वीं बार प्रदेस के जनता ले मुखातिब होइस। सीएम रमन ह आज के अपन रेडियोवार्ता म शिक्षाकर्मी मन के संविलियन के मुद्दे के संग-संग संचार क्रांति योजना खेती-किसानी ले जुड़े योजना मन ल विसेस रूप ले केन्द्रित करिन। डॉ. सिंह ह नवा सिक्छा सत्र म स्कूल मन म नवा प्रवेस लेवइया सबो लइका मन ल बधाई दीन। संगे-संग सिक्छक बिरादरी ले लइका मन के मन म सिक्छा के महत्व अउ विसय के बारीकी मन ल अच्छा ले बइठाय बर अपील करत हुए मुख्यमंत्री ह कहिन के हर स्कूल मन के वातावरन गुरूकुल जइसे होय बर चाही, जिहां सिक्छाक मन अउ विद्यार्थी मन के बीच म आत्मीयता के संबंध होय।