godhan nyay yojana : सीएम ह हितग्राही मन ल 10 करोड़ 84 लाख रुपिया के रासि करीन ऑनलाइन जारी

जय जोहार। मुख्यमंत्री भूपेश बघेल ह आज रईपुर के अपने निवास कार्यालय म आयोजित वर्चुअल कारीकरम म गोधन न्याय योजना (godhan nyay yojana ) के तहत गोबर बेचइया पशुपालक, ग्रामीण, गौठान ले जुड़े महिला समूह अउ गौठान समिति ल 10 करोड़ 84 लाख रुपिया के रासि ऑनलाइन जारी करीन।

बता देन कि (godhan nyay yojana ) 15 जून ले 30 जून तक राज्य के गौठान म पशुपालक ग्रामीण, किसान, भूमिहीन मन ले ख़रीदे गोबर के एवज म 3.69 करोड़ रुपिया के भुगतान करे गीन।

आज गौठान समिति ल 4.31 करोड़ अउ महिला समूह ल 2.84 करोड़ रुपिया के लाभांस रासि भुगतान करे गेहे। गौठान म गोबर बेचइया ग्रामीण अउ पशुपालक ल अब तक गोबर के एवज म 150.75 करोड़ रुपिया, गौठान समिति अउ महिला स्व-सहायता समूह ल 143.19 करोड़ के भुगतान करे जा चुके हे।