Chhattisgarh: सीएम भूपेश बघेल ह छत्तीसगढ़ काउंसिल आफ साइंस एंड टेक्नोलाजी के पोस्टर के करिन विमोचन
जय जोहार…. (chhattisgarh) सीएम भूपेश बघेल ह आज अपन निवास कार्यालय म छत्तीसगढ़ काउंसिल आफ साइंस एंड टक्नोलाजी के तरफ ले बनाय गे पोस्टर के विमोचन करे हे।
ए अवसर म (chhattisgarh) उच्च शिक्षा मंत्री उमेश पटेल, प्रभारी मुख्य सचिव सुब्रत साहू, प्रमुख सचिव विज्ञान अऊ प्रौद्योगिकी डॉ मनिंदर सिंह द्विवेदी, काउंसिल के महानिदेशक मुदित कुमार सिंह ह घलो उपस्थित रिहिन।
छत्तीसगढ़ (chhattisgarh) रीजनल साइंस सेंटर के महानिदेशक मुदित कुमार सिंह ह बताईस कि साइंस एंड टेक्नोलाजी रीजनल साइंस सेंटर के उद्देश युवा अऊ लईका मन म विज्ञान अऊ प्रौद्योगिकी के प्रति जागरूकता लाना हे। संगेसंग छत्तसीगढ़ के बौद्धिक सम्पदा अऊ संस्कृति के बड़का पैमाना म परिचय देना हे।
संस्थान के तरफ ले लईका मन ल विज्ञान अऊ प्रौद्योगिकी के तरफ आकर्षित करे बर प्रदेश भर के स्कूल, महाविद्यालय अऊ पंचायत केंद्र ल ए पोस्टर के वितरण करे जाही।
