Raipur : मुख्यमंत्री ह करीन मिसाइल-मैन डॉ. कलाम के जयंती म याद, पढ़व

जय जोहार । (Raipur) मुख्यमंत्री भूपेश बघेल ह 15 अक्टूबर के पूर्व राष्ट्रपति, महान वैज्ञानिक भारत रत्न डॉ.ए.पी.जे. अब्दुल कलाम के जयंती म ओमन ल नमन करीन हे । सीएम श्री बघेल ह डॉ.कलाम ल याद करत हुये किहीन कि डॉ. कलाम ह भारत ल अनेक वैज्ञानिक उपलब्धि दीन । ओखर पूरा जिनगी राष्ट्र सेवा बर समर्पित रिहीन ।

(Raipur) डॉ. कलाम के नेतृत्व म भारत के नाव अंतरिक्ष कार्यक्रम अउ सैन्य मिसाइल के क्षेत्र म बुलंदी म पहुंचा दीन । सीएम श्री बघेल ह किहीन कि डॉ. कलाम ह युवा मन ल हमेसा सपना ल अपन दृढ़ संकल्प बनाय बर प्रेरित करीन । डॉ. कलाम के देस प्रेम अउ विचार मूल्य हमन ल हमेसा प्रेरित करत रही ।