cm भूपेश बघेल ह ऊर्जा विभाग अउ केड्रा के कार्य के करिन समीक्षा
जय जोहार…. सीएम (cm) भूपेश बघेल ह आज इहां अपन निवास म होय बइठक म छत्तीसगढ़ राज्य विद्युत वितरण कंपनी अऊ क्रेडा के कार्य के समीक्षा करे हे।
ए अवसर पर सीएम बघेल ह कहिन कि पहुंच विहीन अउ दुर्गम इलाका म सोलर पंप के जरिये विद्युत व्यवस्था के संग नदी किनारे जिहां विद्युत लाइन नई हे, उन स्थान म सोलर पम्प किसान मन ल दे जाए।
सीएम (cm) बघेल ह कहिन कि जेन स्थान म पानी म हैवी मेटल या खारा पानी के शिकायत हे, उहां सतही जल के माध्यम ले जल आपूर्ति के व्यवस्था करे जाए।
सीएम (cm) बघेल ह गरियाबन्द के सुपेबेड़ा म नदी के जल अऊ बेमेतरा, बालोद, धमधा, साजा अउ नवागढ़ म खारा पानी के शिकायत के सती सरफेस वाटर के उपयोग कर जल आपूर्ति बर योजना बनाय के निर्देश दे हे।
वो हा उद्युत कम्पनी के अलग-अलग योजना अउ सीएसआर मद के कार्य के समीक्षा करे हे। सीएम कहिन कि निर्धारित मात्रा म विद्युत प्रदाय नई करइया संयंत्र ल नोटिस जारी करे जाये।
बइठक म सोलर पेयजल योजना, सौभाग्य योजना, सौर सुजला योजना सोलर कोल्ड स्टोरेज, शासकीय भवन के सौर ऊर्जीकरण, सोलर विद्युत संयंत्र आदि योजना के समीक्षा करे गिस।
