सीएम अउ गृहमंत्री के जिला म बढ़त हे अपराध..भाजपा के ट्वीट

रायपुर : प्रदेश म अपराधी के हउसला बुलंद होत जात हे. आए दिन फायरिंग और लूट की घटना होवत हे..जेला लेके बीजेपी ह भूपेश सरकार ल आढ़े हाथ लेत हुए ट्वीट करिन. बीजेपी ह ट्विट करत हुए कहिन के मुख्यमंत्री अउ गृहमंत्री के गृह जिला म अपराधी खुलेआम फायरिंग करत हवय.

राजधानी म हर दिन लोगन के घर मन के ताला टूटत हे, लेकिन सरकार हे के “तबादला और बदला”के खेल म व्यस्त हे. सरकार के ए लापरवाही भरे रवैए के कारन छग दहशत, लूटपाट, चोरी-डकैती के गढ़ बनत जात हे.दरअसल मंगलवार के राजधानी म गोलीबारी कर लूट के बाद दुर्ग जिला म घलो दिन-दहाड़े गोलीबारी कर आईटीसी कंपनी के दू एजेंट ले 9 लाख रुपिया लूट के घटना सामने आइस.

घटना के बाद ले पुलिस महकमा म हड़कंप मच गिस. काबर के जे जगह बदमाश मन ह वारदात ल अंजाम देय हे वो जगा कोनो सूनसान जगा नईए, बल्कि शहर के भीतर ले गुजरइया भीड़-भाड़ वाले नेशनल हाइवे हवय. संगेत जिहां ए घटना होइस हे, उंहा ले मुख्यमंत्री भूपेश बघेल अउ गृहमंत्री ताम्रध्वज साहू आथे.