जय जोहार रायपुर। कोरोना के संक्रमण ल खत्म करे बर देश भर म ऐहतियातन जनता कर्फ्यू जैसा कई कदम उठाए जात हे, लेकिन ए सब के बीच सोशल मीडिया म अफवाह के बाजार गर्म हे। सोशल मीडिया म फैलाय जात अफवाह ल लेके मुख्यमंत्री भूपेश बघेल ह ट्वीट करे हे। एमा मुख्यमंत्री ह कहिन कि सोशल मीडिया म फैलाय गिस अफवाह ह कोरोना के खिलाफ लड़ाई ल कमजोर कर सकत हे।
मुख्यमंत्री ह ट्वीट कर कहिन, प्रिय प्रदेशवासी मन, कोविड 19 संक्रमण एक बड़ा समस्या हे, जेखर ले हमन सब पूर्ण कर्तव्य निष्ठा, सजगता, सावधानी अऊ जागरूकता के संग लड़त हे। अइसे म सोशल मीडिया माध्यम मन के तरफ ले फैलाय गिस कोनो अफवाह हमर मन के ए लड़ाई ल एक नकारात्मक मोड़ दे सकत हे, जेखर ले हमर मन के लड़ाई ह कमजोर होही।
No Comment! Be the first one.