जय जोहार…. सीएम (cm) भूपेश बघेल ह आज सीएम हाउस ले प्रदेशव्यापी गोधन न्याय योजना के शुरुआत करे हे।
सीएम बघेल ह पारम्परिक तरीका ले बैल के पूजा कर ए योजना ल सुरु करिन। एखर बाद सीएम बघेल ह तुलसी चौंरा अउ हल के घलो पूजा करे हे। ए दौरान सीएम (cm) बघेल ह गेड़ी के आनंद ले हे।
हरेली ह प्रदेश के सबले पहिला तिहार हे। सीएम (cm) हाउस म आदर्श गौठान के माडल घलो बनाय गे हे।
एखर संग रईचूली (हवाई झूला) अउ छत्तीसगढ़ी लोक वाद्य यंत्रों के धूम हे। ए दौरान सोशल डिस्टेंसिंग के घलो धियान रखे जावत हे।
ए अवसर म कृषि मंत्री रविंद्र चौबे, खाद्य मंत्री अमरजीत भगत अउ नगरीय प्रशासन मंत्री डॉ शिवकुमार डहरिया घलो मौजूद हे।
बता देन कि छत्तीसगढ़ के महत्वकांक्षी योजना नरवा, गरवा, गुरवा अउ बाड़ी के तहत गोधन न्याय योजना ल सुरु करे गे हे।
एखर तहत सरकार ह पशुपालक मन ले दू रूपिया प्रति किलो के कीमत ले गोबर के खरीदी करही। ए गोबर ले सरकार ह वर्मी कम्पोस्ट खाद बना के किसान मन ल उपलब्ध कराही।
