खस्ताहाल सड़क ल लेके सीएम बघेल ह जतईन नाराजगी, लोनिवि के समीछा

रायपुर।  मुख्यमंत्री भूपेश बघेल ह छत्तीसगढ़ म अवईय़ा दिसंबर महीने तक सड़क मन ल गड्ढा मुक्त करे के निर्देस अधिकारी मन ल दे हे। सीएम ह राज्य कई कई जगह म ले मिले सिकायत ल देखत एला लेके अधिकारी मन उपर नाराजगी जताईन। ए बेरा म ओमन कहिन कि सड़क मन के गुणवत्ता ल लेके कोनों समझौता नई होना चाही। एखर बर कलेक्टर मन ल नोडल अधिकारी के तौर म बुता करे के भी निर्देश ओमन ह दिन।