chhattisgarh: सीएम ह गोबर विक्रेता, गौठान समिति अउ स्व-सहायता समूह ल 9.83 करोड़ रुपिया के रासि ल करीन अंतरित

जय जोहार…. (chhattisgarh) मुख्यमंत्री भूपेश बघेल ह किहीन हे कि छत्तीसगढ़ सरकार डहार ले सुरु करे गे सुराजी गांव योजना अउ गोधन न्याय योजना ले गांव अउ ग्रामीण मन के जिनगी म एक ठिन नवा बदलाव दिखे ल लगे हे। ए योजना ले ग्रामीण अउ किसान मन ल संबल मिले हे अउ ये ग्रामीण अर्थव्यवस्था बर संजीवनी साबित होवत हे। मुख्यमंत्री भूपेश बघेल ह ये बात ल ल आज अपन निवास कार्यालय म गोधन न्याय योजना के तहत रासि अंतरण के वर्चुअल कारीकरम ल सम्बोधित करत हुये किहीन।

सीएम बघेल ह किहीन कि राष्ट्रपिता महात्मा गांधी ह मजबूत अउ स्वावलंबी गांव के सपना देखे रिहीस, ओखर सपना ह आज छत्तीसगढ़ म साकार होवत हे । छत्तीसगढ़ के गांव ह आज स्वावलंबन के दिसा म तेजी ले सल्लग आगू बाढ़त हे। (chhattisgarh) कारीकरम म गृह मंत्री ताम्रध्वज साहू, कृषि अउ जल संसाधन रविन्द्र चौबे, मुख्य सचिव अमिताभ जैन, मुख्यमंत्री के अपर मुख्य सचिव सुब्रत साहू उपस्थित रिहीन।

ए मउका म (chhattisgarh) मुख्यमंत्री बघेल ह गोधन न्याय योजना के तहत कुल 9.83 करोड़ रुपिया के रासि के ऑनलाइन अंतरण करीन, जेमा गोबर विक्रेता ल 48 लाख अउ गौठान समिति अउ महिला स्व-सहायता समूह मन ल लाभांस के रूप म 9.35 करोड़ रुपिया के रासि सामिल हे।