chhattisgarh : सीएम भूपेश बघेल ह राजनांदगांव जिला के चिटफंड निवेसक ल 2 करोड़ 46 लाख के रासि ऑनलाइन ओखर खाता म करीन वापस, पढ़व

जय जोहार…. (chhattisgarh ) मुख्यमंत्री भूपेश बघेल ह आज राजनांदगांव जिला के चिटफंड निवेसक मन ल 2 करोड़ 46 लाख रुपिया के रासि ल ऑनलाइन ओखर खाता म अंतरित करीन। मुख्यमंत्री निवास कार्यालय म आज आयोजित वर्चुअल कारीकरम म चिटफंड कंपनी के निवेसक मानब ल रासि ओखर खाता म वापस लहुटाय के संग ही मुख्यमंत्री ह निवेसक मन ल ओखर रासि वापस मिले म बधाई दीन।

सीएम बघेल ह किहीन कि छत्तीसगढ़ (chhattisgarh ) ह देस के इकलौता राज्य हे, जेन अपन राज्य के निवेसक मन के संग चिटफंड कंपनी ह धोखाधड़ी करे हे, ओखर रासि ल वापस लहुटात हे। एखर बर चिटफंड कंपनिनी के डायरेक्टर म कानूनी कार्रवाई के संगेसंग ओखर प्रॉपर्टी के कुर्की अउ नीलामी कर के ओखर ले प्राप्त होवाइया रासि ल निवेसक मन ल वापस दे जावत हे।

सीएम बघेल ह किहीन कि चिटफंड कंपनी के विरुद्ध सरलग कार्रवाई करे जात हे । (chhattisgarh ) ओखर ऊपर प्रकरण दर्ज करे जात हे । ओखर प्रॉपर्टी ल चिन्हित कर कुर्की अउ नीलामी के कार्रवाई के प्रक्रिया ह जारी हे।