![Godhan Nyay Yojana : सीएम ह करीन हितग्राही मन ल 8 करोड़ 03 लाख रुपिया के रकम अंतरित cgg 3](https://jayjohar.com/wp-content/uploads/2023/01/cgg-3.jpg)
Godhan Nyay Yojana : सीएम ह करीन हितग्राही मन ल 8 करोड़ 03 लाख रुपिया के रकम अंतरित
जय जोहार। (Godhan Nyay Yojana) सीएम भूपेश बघेल ह अपन निवास कार्यालय म आयोजित वर्चुअल कार्यक्रम म गोधन न्याय योजना के हितग्राही मन ल 8 करोड़ 03 लाख रुपिया के रासि के भुगतान करीन।
ए अवसर म मुख्यमंत्री ह किहीन कि छत्तीसगढ़ म नवा-नवा रिकार्ड बनत हे। अब तक 103 लाख मीट्रिक टन ले जादा धान खरीदी हो चुके हे , 110 लाख मीट्रिक टन धान खरीदी के लक्ष्य घलो पार हो जाही। गोधन न्याय योजना (Godhan Nyay Yojana) म गोबर विक्रेता मन ल योजना के प्रारम्भ ले लेके आज दे गे 60 वीं क़िस्त ल मिलाके 201 करोड़ रुपिया ले जादा के भुगतान करे जा चुके हे।
मुख्यमंत्री श्री बघेल ह 1 जनवरी से 15 जनवरी तक गौठान म पशुपालक ग्रामीण, किसान, भूमिहीन मन ले क्रय 2.13 लाख क्विंटल गोबर के एवज म ओखर खाता म 4 करोड़ 27 लाख रुपिया के रासि ल ऑनलाईन अंतरित करीन। अइसने गौठान समिति ल 2.23 करोड़ रुपिया अउ महिला समूह के खाता म 1 करोड़ 53 लाख रुपिया के लाभांस रासि अंतरित करीन ।