Chhattisgarh: सीएम भूपेश बघेल ह गोबर विक्रेता मन के खाता म अंतरित करिन 5.12 करोड़ रुपया, पढो पूरा खबर
जय जोहार….. (chhattisgarh) सीएम भूपेश बघेल ह गुरुवार के प्रदेश सरकार के गोधन न्याय योजना के हितग्राही मन के खाता म गोबर खरीदी के 10वां किस्त के राशि के रूप म 5 करोड़ 12 लाख रुपया ल गौपालक मन के खाता म अंतरित करे हे। ए योजना के अंतर्गत प्रदेश के 1 लाख 40 हजार ले जादा पशुपालक ह लाभान्वित होवत हे।
विधानसभा परिसर म अपन कार्यालय ले वीडियो कांफ्रेंसिंग ले आयोजित ए कार्यक्रम म (chhattisgarh) सीएम बघेल ह कहिन कि गोधन न्याय योजना के अंतर्गत अब तक गौपाल मन ल 64 करोड़ 20 लाख रुपया दे जा चुके हे। एखर ले ओखर आर्थिक स्थिति म परिवर्तन आवत हे। रोजनागर के नवा अवसर ह सृजित होवत हे।
गोधन न्याय योजना म गोबर खरीदी के संगेसंग हजारो ग्रामीण महिला मन ह वर्मी कम्पोस्ट उत्पादन के कार्य करत हे। एखर विक्रय दर ल 8 रुपया प्रति किलो ले बढ़ा के 10 रुपया प्रति किलो कर दे गे हे। ए योजना ले रोजगार के नवा अवसर सृजित होवत हे।
सीएम बघेल ह किहिन कि जैविक खेती म उत्पादित होवइया अनाज अऊ फल के कीम ह डेढ़ ले दुगुना बाढ़ जात हे। (chhattisgarh) एखर ले किसान मन के आय म घलो अच्छी खासी वृद्धि होही। वो हा गोधन न्याय योजना ले जुड़े सबो हितग्राही मन ल बधाई अऊ शुभकामना दे हे। ए असर पर कृषि अऊ जल संसाधन मंत्री रविद्र चौबे अऊ कृषि उत्पादन आयुक्त डॉ एम गीत उपस्थित रिहिन।
