CM Bhupesh Baghel ह डॉ. रामचंद्र सिंहदेव के प्रतिमा के करीन अनावरण

जय जोहार। सीएम भूपेश बघेल (CM Bhupesh Baghel) ह आज राज्य के पहिला वित्त मंत्री, कोरिया कुमार के नाव ले विख्यात स्वर्गीय डॉ रामचंद्र सिंहदेव के जयंती के अवसर म कोरिया जिला के मुख्यालय बैकुंठपुर के घड़ी चौक म ओखर प्रतिमा के अनावरण करीन । आज ये चौक ल कोरिया कुमार ल समर्पित करे गीन । मुख्यमंत्री ह ओखर प्रतिमा म माल्यार्पण कर श्रद्धांजलि अर्पित करीन।

मुख्यमंत्री भूपेश बघेल ह स्वर्गीय डॉ. रामचंद्र सिंहदेव ल याद करत हुए किहीन कि ओखर पूरा जिनगी छत्तीसगढ़ ल समर्पित रिहीन । ओखर चिंतन के केंद्र म छत्तीसगढ़ अउ कोरिया हमेसा ले रिहीन अउ इंहा के विकास के बारे म हमेसा चर्चा करत रिहीन । डॉ. रामचंद्र सिंहदेव ह बहुआयामी व्यक्तित्व के धनी रिहीन । ओखर जिनगी बेहद सादगीपूर्ण रिहीन ।

सीएम ह किहीन कि जब 1967 म डॉ रामचंद्र सिंहदेव ह विधायक अउ मंत्री बनीन, तब आधा विभाग ओखर तीर रिहीन । योेजना आयोग के उपाध्यक्ष के रूप म घलो वोहा उल्लेखनीय सेवा दीन। जब छत्तीसगढ़ बनीन त डॉ रामचंद्र सिंहदेव ह प्रदेस के पहिला वित्त मंत्री बने रिहीन । आज छत्तीसगढ़ के जेन प्रगतिसील अर्थव्यवस्था हे ओखर नींव म ओखर सोच अउ विचार हे ।