Chhattisgarh: सीएम भूपेश बघेल ह काली उद्यानिकी अऊ वानिकी विश्वविद्यालय के करही भूमिपूजन

जय जोहार…. (Chhattisgarh) सीएम भूपेश बघेल ह काली अपन निवास कार्यालय ले वीडियो कांफ्रेंसिंग के जरिये पाटन-सांकरा, दुर्ग अऊ भिलाई म 253.61 करोड़ रुपया के 39 निर्माण कार्य के भूमिपूजन अऊ लोकार्पण करही। एमा प्रमुख रूप ले महात्मा गांधी उद्यानिकी अऊ वानिकी विश्वविद्यालय सांकरा-पाटन के भूमिपूजन घलो शामिल हे।
करीब 55 करोड़ रुपया के लागत ले बनइया ये विश्वविद्यालय ले राज्य म उदयानिकी विकास ल बढ़ावा मिलही। (Chhattisgarh) ए विश्वविद्यालय ले हर वर्ष लगभग 600 स्नातक, 100 स्नातकोत्तर अऊ 50 विद्यार्थी मन ल प्रवेश मिलही।
ए विश्वविद्यालय ले राज्य ल उद्यानिकी अऊ वानिकी के क्षेत्र म योग्य, दक्ष मानव संसाधन उपलब्ध होही, जेन राज्य ल फल-पूल, सब्जी, मसाला अऊ उद्यानिकी उत्पाद म आत्मनिर्भर बना के राज्य (Chhattisgarh) के अर्थव्यवस्था ल नवा आयाम दे म मददगार साबित होही।