chhattisgarh: सीएम भूपेश बघेल ह काली गौरेला-पेंड्रा-मरवाही म 208 विकास कार्य के करही लोकार्पण अऊ भूमिपूजन

जय जोहार…. (chhattisgarh) सीएम भूपेश बघेल ह काली गौरेला-पेंड्रा-मरवाही ल 332 करोड़ 64 लाख रुपया के 208 अलग-अलग कार्य के सौगात देही।

एमा 84 करोड़ 10 लाख रूपिया के 29 कार्य के लोकार्पण अऊ 248 करोड़ 78 लाख रुपया के 179 कार्य के भूमिपूजन सामिल हे।

(Chhattisgarh) सीएम बघेल ह अपन निवास कार्यालय ले बिहिनिया 11 बजे वीडियो कांफ्रेंसिंग ले लोकार्पण अऊ शिलान्यास करही। ए कार्यक्रम के अध्यक्षता विधानसभा अध्यक्ष डॉ. चरणदास महंत ह करही।

गौरेला-पेंड्रा-मरवाही जिला के साधू हाल, गौरेला म आयाजित लोकार्पण अऊ शिलान्यास समारोह म ए जिला के प्रभारी मंत्री अऊ राजस्व मंत्री जय सिंह अग्रवाल ह विशिष्ट अतिथि के रूप म सामिल होही।

समारोह म (chhattisgarh) गृहमंत्री ताम्रध्वज साहू, स्वास्थ्य मंत्री टीएस सिंहदेव, कृषि मंत्री रविन्द्र चौबे, वन मंत्री मोहम्मद अकबर, स्कूल शिक्षा मंत्री डॉ. प्रेमसाय सिंह टेकाम, उद्योग मंत्री कवासी लखमा, महिला अऊ बाल विकास मंत्री अनिला भेंड़िया, नगरीय प्रशासन मंत्री डॉ. शिवकुमार डहरिया, खाद्य मंत्री अमरजीत भगत, उच्च शिक्षा मंत्री उमेश पटेल, सांसद ज्योत्सना चरणदास महंत अऊ जिला पंचायत बिलासपुर के अध्यक्ष अरूण चौहान घलो शामिल होही।