cm भूपेश बघेल ह काली जाही 3 दिन के दौरा म, मध्यप्रदेश अऊ बिहार म चुनावी सभा ल करही संबोधित, पढो पूरा खबर

जय जोहार…. सीएम (cm) भूपेश बघेल ह काली ले तीन दिन के दौरा म दिल्ली, मध्यप्रदेश अऊ बिहार जाही। काली दिल्ली म वरिष्ठ नेता मन ले मुलाकात के बाद शुक्रवार के मध्यप्रदेश अऊ सनिच्चर के बिहार चुनाव म प्रचार बर सीएम बघेल निकलही। उहचे चुनावी मुद्दा म बइठक म शामिल होही।

बता दन कि एखर पहिले घलो सीएम (cm) बघेल ह रविवार के पटना गे रिहिन अऊ उहचे कांग्रेस के चुनावी थीम सांग के लांचिंग मउका म शामिल होय रिहिन। ए दौरान सीएम बघेल ह प्रेस कांफ्रेंस म 50 से जादा सीट जीते के दावा करे रिहिन।

सीएम (cm) बघेल काली दोपहर एक बजे रायपुर ले निकलही अऊ दोपहर 2.45 बजे दिल्ली पहुंचही। दिल्ली म सीएम बघेल ह कई वरिष्ठ नेता मन ले मुलाकात करही। 23 अक्टूबर ले सीएम बघेल ह चुनाव प्रचार अभियान म निकलही। सीएम ह पहिले मध्यप्रदेश के ग्वालियर पहुंचही अऊ सिहोनिया म चुनावी सभा ल संबोधित करही।