Independence day म राजधानी म सीएम भूपेश बघेल करही ध्वजारोहण, आयोजन ल ले के शासन ह जारी करिन दिशा-निर्देश
जय जोहार…. छत्तीसगढ़ म स्वतंत्रता दिवस (Independence day ) गरिमामय तरीका ले मनाये जाही। सामान्य प्रशासन विभाग ह स्वतंत्रता दिवस समारोह के आयोजन के संबंध म दिशा-निर्देश जारी करे हे।
जेखर तहत भारत सरकार गृह मंत्रालय अउ स्वास्थ्य अउ परिवार कल्याण मंत्रालय के तरफ ले कोविड 19 ले बचाव बर जारी सबो निर्देश के पालन अउ उपाय ल सुनिश्चित करत हुये कार्यक्रम आयोजित करे के निर्देश दे गे हे।
जारी निर्देश के तहत स्वतंत्रता दिवस (Independence day ) के राज्य स्तरीय समारोह राजधानी रायपुर म स्थानीय पुलिस परेड ग्राउंड म आयोजित होही, जिहां मुख्यमंत्री भूपेश बघेल ह ध्वजारोहण करही।
एखर बाद पुलिस अउ अर्द्धसैनिक बल के टुकड़ी के तरफ ले सलामी दे जाही। कार्यक्रम म कोरोना वारियर्स डॉक्टर, पुलिसकर्मी, स्वास्थ्यकर्मी एवं स्वच्छता कर्मी मन ल विशेष रूप ले आमंत्रित करत हुये ओ मन ल सम्मानित करे जाही।
कार्यक्रम म अवइया सबो लोगन मन ल मास्क पहनना अउ सामाजिक दूरी आदि के पालन ल करना अनिवार्य होही।
अइसनहे जिला स्तर म स्वतंत्रता दिवस (Independence day ) समारोह म मुख्य अतिथि के तरफ ले ध्वजारोहण करे जाही। एखर बाद पुलिस अउ नगर सैनिक की टुकड़ी के तरफ ले सलामी दे जाही।
मुख्य अतिथि के तरफ ले प्रदेश के मुख्यमंत्री के तरफ ले जनता के नाम प्रेषित संदेश के वाचन करे जाही। जिला स्तरीय कार्यक्रम म घलो कोरोना वारियर्स डॉक्टर, पुलिसकर्मी, स्वास्थ्यकर्मी एवं स्वच्छता कर्मी मन ल विशेष रूप ले आमंत्रित करत हुये ओ मन ल सम्मानित करे जाही।
स्वतंत्रता दिवस के अवसर म तहसील अउ जनपद स्तर म सार्वजनिक समारोह आयोजित नई होही। जनपद कार्यालय म जनपद अध्यक्ष अउ नगरीय निकाय म नगरीय निकाय के महापौर या अध्यक्ष के तरफ ले ध्वजारोहण करे जाही। पंचायत मुख्यालय म संरपच अउ बड़का गांव म गांव के मुखिया के तरफ ले ध्वजारोहण करे जाही।
