chhattisgarh : सीएम ह आज कांकेर म करही विकास काम के लोकार्पण अउ सिलान्यास, पढ़व
जय जोहार। (chhattisgarh) सीएम भूपेश बघेल ह आज कांकेर में कई ठीन विकास काम के लोकार्पण अउ भूमिपूजन करही। सीएम ह कुलगांव स्थित गांधी ग्राम म राष्ट्रपिता महात्मा गांधी के प्रतिमा के अनावरण अउ गांधी ग्राम के अवलोकन करही। एखर बाद सीएम मंझनिया 2.20 बजे रईपुर वापस लहुट आही।
जारी दउरा कारीकरम के अनुसार (chhattisgarh) मुख्यमंत्री भूपेश बघेल ह कांकेर म पूर्वान्ह 10.30 बजे ले अधिकारी मन के बइठक लेके सासकीय योजना अउ कारीकरम के क्रियान्वयन के स्थिति के समीक्षा करही। एखर बाद मुख्यमंत्री ह कांकेर म कई ठीन विकास काम के लोकार्पण अउ सिलान्यास करे के संग मीडिया प्रतिनिधि ले चर्चा करही।
(chhattisgarh) मुख्यमंत्री ह पूर्वान्ह 11.35 बजे मातृ-शिशु चिकित्सालय के लोकार्पण अउ नरहरदेव उत्कृष्ट विद्यालय म समर कैम्प के समापन समारोह म सामिल होही। मुख्यमंत्री ह जिला चिकित्सालय कांकेर म हमर लैब का लोकार्पण करही , ऐखर बाद सीएम ह कुलगांव जाही, उहां गांधी जी के प्रतिमा के अनावरण अउ गांधी ग्राम के अवलोकन करे के बाद हेलीकॉप्टर ले मंझनिया 2.20 बजे रईपुर लहुट आही।
