chhattisgarh : सीएम ह काली करही सारंगढ़-बिलाईगढ़ अउ खैरागढ़-छुईखदान-गंडई जिला के सुभारंभ, पढ़व

जय जोहार । (chhattisgarh) भूपेश बघेल ह 3 सितम्बर के राज्य के दो अउ नवा जिला के सुभारंभ करही । एखर संगेसंग राज्य के 30 वां जिला सारंगढ़-बिलाईगढ़ अउ 31वां जिला के रूप म खैरागढ़-छुईखदान-गंडई अस्तित्व म आ जाही । ए नवा जिला के बन जाय ले सासन-प्रसासन के मनखे मन तक पहुंच अउ मजबूत होही , जेखर ले ए क्षेत्र म विकास काम ल तीव्र गति मिलही ।

मुख्यमंत्री भूपेश बघेल ह सारंगढ़ अउ खैरागढ़ म आयोजित कार्यक्रम के दउरान ये दूनों जिला के सुभारंभ करे के संग दूनों नवगठित जिला म विकास अउ निर्माण काम बर 931 करोड़ 37 लाख रुपिया के सौगात देही । मुख्यमंत्री श्री बघेल ह सारंगढ़-बिलाईगढ़ जिला के सुभारंभ अवसर म 512.29 करोड़ के विकास काम के भूमिपूजन अउ 54.52 करोड़ के विकास काम के लोकार्पण करही।

उहें खैरागढ़-छुईखदान-गंडई जिले के सुभारंभ कार्यक्रम म 364 करोड़ 56 लाख के विकास काम के सौगात के संग 213 हितग्राही मन ल सासन के योजना के अंतर्गत 37 लाख 48 हजार के सामग्री अउ अनुदान सहायता रासि के वितरण होही ।