जय जोहार…. (chhattisgarh) मुख्यमंत्री भूपेश बघेल काली रविवार के बेमेतरा जिला ल चिकित्सा सुविधा के बड़का सौगात देही । मुख्यमंत्री बघेल ह जिला अस्पताल परिसर म एक करोड़ एक लाख रूपए के लागत ले स्थापित 500 एलपीएम क्षमता के ऑक्सीजन प्लांट के लोकार्पण करही। एखर संगेसंग डायलिसिस सुविधा के घलो सुभारंभ करही ।
बेमेतरा जिला चिकित्सालय म स्थापित ए ऑक्सीजन प्लांट ले 500 लीटर हरेक मिनट के दर ले शुध्द ऑक्सीजन के आपूर्ति ल सीधा वार्ड म करे जाय के सिस्टम तैयार करे गेहे। (chhattisgarh) ए ऑक्सीजन प्लांट म अत्याधुनिक वैक्यूम प्रेशर सीव एड्सॉरर्बशन मशीन लगाय गेहे, जेन हवा में मौजूद अवांछित गैस ल छान करके शुध्द ऑक्सीजन बनात हे।
इहाँ 3000 लीटर तक भंडारण क्षमता के टैंक घलो स्थापित करे गेहे, जेखर ले ऑक्सीजन के आपूर्ति ह बाधित नई हो। संयत्र के सुचारू संचालन अउ ऑक्सीजन संयंत्र म विघुत अवरोध के स्थिति म प्रबंधन बर ध्वनिरहित बिजली जेनरेटर घलो लगाय गेहे । (chhattisgarh) जिला चिकित्सालय म लायन्स क्लब बेमेतरा सिटी डहार ले डायलिसिस मशीन ल प्रदान करे गेहे, जेखर सुभारंभ 3 अक्टूबर के होही ।
No Comment! Be the first one.