जय जोहार। (godhan nyaay yojana) मुख्यमंत्री भूपेश बघेल ह 21 सितंबर के मुख्यमंत्री निवास कार्यालय म आयोजित वर्चुअल कार्यक्रम के माध्यम ले गोधन न्याय योजना के तहत पसुपालक ग्रामीण, गौठान ले जुड़े महिला समूह अउ गौठान समिति ल 7 करोड़ 4 लाख रुपिया के रासि ऑनलाइन जारी करही, जेमा 1 सितंबर ले 15 सितंबर तक गौठान म पसुपालक ग्रामीण, किसान, भूमिहीन मन ले क्रय करे 2.03 लाख क्विंटल गोबर के एवज म 4.06 करोड़ रुपिया भुगतान, गौठान समिति ल 1.77 करोड़ अउ महिला समूह ल 1.21 करोड़ रुपिया के लाभांस रासि सामिल हे ।
गोधन न्याय योजना (godhan nyaay yojana) के तहत राज्य म अब तक हितग्राही मन ल 335 करोड़ 36 लाख रुपिया के भुगतान करे जा चुके हे , जेमा 18 करोड़ रुपिया के बोनस रासि घलो सामिल हे। 21 सितंबर के 7.04 करोड़ के भुगतान के बाद ये आंकड़ा 352 करोड़ 40 लाख रुपिया हो जाही ।
गोधन न्याय योजना (godhan nyaay yojana) के तहत छत्तीसगढ़ राज्य के गौठान म 2 रुपिया किलो की दर ले गोबर अउ 4 रुपिया लीटर के दर ले गौमूत्र के खरीदी करे जात हे। गौठान म 31 अगस्त तक खरीदे 79.12 लाख क्विंटल गोबर के एवज म ग्रामीण मन ल 160.94 करोड़ रुपिया के भुगतान घलो करे जा चुके हे । 21 सितंबर के गोबर विक्रेता ल 4.06 करोड़ रुपिया के भुगतान होय के बाद ये आंकड़ा बढ़के 165 करोड़ रुपिया हो जाही ।
गौठान समिति अउ महिला स्व-सहायता समूह ल अब तक 156.42 करोड़ रुपिया के रासि के भुगतान करे जा चुके हे ।
