cm Bhupesh Baghel ह केंद्रीय विमानन मंत्री हरदीप सिंह पुरी ल लिखे हे पत्र, करिन ये मांग

जय जोहार…. सीएम भूपेश बघेल (cm Bhupesh Baghel) ह केंद्रीय विमानन मंत्री हरदीप सिंह पुरी ल पत्र लिखे हे। ए पत्र म सीएम बघेल ह प्रदेश के बिलासपुर ल दिल्ली, मुंबई अऊ कोलकाता जइसे महानगर ले एयर कनेक्टिविटी के अनुमति दे के आग्रह करे हे। सीएम बघेल ह केंद्रीय मंत्री ले भविष्य म लागू होवइया उड़ान 4.1 योजना म बिलासपुर के महानगर के संग आरसीएस कनेक्टिविटी के सुविधा दे के मांग करे हे।

सीएम भूपेश बघेल (cm Bhupesh Baghel) ह पत्र म लिखे हे कि मेहा आप मन के धियान म बिलासपुर के संग दिल्ली, मुंबई अऊ कोलकाता महानगर के आरसीएस कनेक्टिविटी के मुद्दा ल प्रमुखता ले लाना चाहूं। छत्तीसगढ़ म न्यायधानी बिलासपुर के महत्व, राज्य अऊ क्षेत्र के भीतर बिलासपुर के रणनीतिक अऊ महत्वपूर्ण भौगोलिक स्थिति सती आप मन के संग मोर पहिले के पत्राचार म घलो ए विषय म प्रकाश डाले गे हे।

सीएम भूपेश बघेल (cm Bhupesh Baghel) ह केंद्रीय विमानन मंत्री हरदीप सिंह पुरी ल लिखे हे कि बिलासपुर हवाई अड्डा ल हाल म 3 सी वीएफआर श्रेणी म अपग्रेड करे गे हे। राज्य सरकार आरसीएस कनेक्टिविटी के तहत बिलासपुर ले दुनो महानगर बर सीधा अऊ चरण म उड़ान बर गंभीरता ले प्रयास करत हे। एखर बर कई पत्राचार अऊ अलग-अलग स्तर म चर्चा करे गे हे।