Chhattisgarh: सीएम भूपेश बघेल के बड़का फइसला, प्रदेश म स्कूल अऊ कालेज होइस बंद, आनलाइन होही पढ़ई

जय जोहार…. (Chhattisgarh) छत्तीसगढ़ म कोरोना के बाढ़ते मामला के बीच सीएम निवास म सीएम भूपेश बघेल के मौजूदगी म कैबिनेट के बइठक होय हे। ए बइठक म कई महत्वपूर्ण निर्णय ले गे हे।

ए बइठक के बाद (Chhattisgarh) कृषि मंत्री रविंद्र चौबे ह कैबिनेट के निर्णय के जानकारी दे हे। वो हा बताईस कि कोरोना के बाढ़ते मामला ल देखत हुये प्रदेश म स्कूल अऊ कालेज ल बंद रखे के निर्णय ले गे हे। वो हा कहिन कि आंगनबाड़ी घलो बंद रखे जाही। वो हा बताईस कि होली त्योहार मनाये बर अलग ले निर्देश जारी करे जाही।

(Chhattisgarh) कृषि मंत्री चौबे ह प्रदेश म लाकडाउन या नाइट कर्फ्यू लगाये के बात ल खारिज करे हे। वो हा कहिन कि एखर ले रोज कमाये खाये वाला गरीब तबका ल परेसानी होही। वो हा कहिन कि सोशल डिस्टेंशिंग अऊ मास्क लगाये ल अनिवार्य करे गे हे। निर्देश के उल्लंघन करे म सख्ती करे जाही।