कलेक्टर ह अंतर्राष्ट्रीय योग दिवस म अपन घर म करिन योग के अभ्यास

जय जोहार…. गरियाबंद कलेक्टर छतरसिंह डेहरे ह आज अंतर्राष्ट्रीय योग दिवस म अपन निवास म योग के अलग-अलग मुद्रा के अभ्यास करिन। ए अवसर म कलेक्टर ह जिलावासी मन ल योग दिवस के बधाई देवत हुये योग ल जीवन म शामिल करे के अपील करिन।

वो हा कहिन कि योग ले स्वस्थ जीवन जीने के ताकत मिलत हे। योग एक अइसे अभ्यास हे, जेला मुफ्त घलो करे जा सकत हे। जिला म अंतर्राष्ट्रीय योग दिवस ल ए बार अपन-अपन घर म योग के अभ्यास कर के मनाय जावत हे। जनप्रतिनिधि, आम जनता, अधिकारी कर्मचारी मन ह घलो उत्साह ले अपन घर म योग करत हे।