कलेक्टर ह खेत में जोतिन हे नागर, फेर करिन अइसन मांग ..मोर मेहनत के फल मोला मिलही कि नई
बेमेतरा. बरसात के मौसम आए ले प्रदेश म खेती किसानी के काम ह जोर पकड़ लेथे। अइसन समय म बेमेतरा के कलेक्टर ह किसान मन के परेशानी ल समझे बर एक झन किसान के खेत में उतर गे अउ नागर जोतिन हे।
सोमवार के जिले के कलेक्टर महादेव कावरे ह खेत में नागर से जुताई करत रिहिस एक झन किसान ल देख के अपन मोजा-जूता त उतारिन अउ खेत म नागर जोते बर उतर गे।
सिंघौरी गांव के किसान दशरथ साहू ल खेत में बुवाई अउ जुताई करत देख, कलेक्टर ह खुद नागर ल थाम लिन अउ सोयाबीन ले भरे टूकना ल धर के बुवाई करे ल लग गे। लगभग ढाई किलो सोयाबीन के बुवाई कर भैंसा बंधाय नागर से जुताई करिन अउ फेर मजाक करत किसान ल कहिन कि मोर मेहनत के फल मोला मिलही कि नई।
किसान दशरथ ह बतइस कि कलेक्टर साहब ह जुताई करे हे वो ह अच्छा गहराई वाले हे, जेखर ले सोयाबीन के पौधा घना होही अउ पैदावार घलोक अच्छा होही। किसान ह कहिन कि मोर बर अतना ही काफी हे कि एक किसान के खेत म जूता मोजा उतार के जिलाधीश ह किसानी करे बर उतर गे।
