कलेक्टर ह शिशु संरक्षण माह के करिन शुभारंभ

राजनांदगांव : कलेक्टर संजय अग्रवाल ह शिशु मातृत्व भवन जिला चिकित्सालय बसंतपुर म लइका मन ल विटामिन ए के अनपूरक दवा पिलाके शिशु संरक्षण माह के शुभारंभ करे गिन। ओमन ह शिशु संरक्षण माह के बेर जिला के 6 माह ले 5 वर्ष तक के लइका मन ल टीकाकरण सत्र अउ आंगनबाड़ी केन्द्र म लइका मन के बौद्धिक अउ मानसिक विकास बर विटामिन ए अउ आईएफए के सिरप पिलाए बर पालक मन ले अपील करे हे। 

    मुख्य चिकित्सा अउ स्वास्थ्य अधिकारी डॉ. नेतराम नवरत्न ह बतायिन कि विटामिन ए के सेवन ले शरीर म रोग ले लडे के क्षमता म वृद्धि होवत हे। आंख मन के परत यानी कार्निया सुरक्षित होथे, एखर ले बाल मृत्यु दर म कमी, दस्त, खसरा अउ आंखी के रोग रतौधी अउ कुपोषण ले बचाव होथे। शिशु संरक्षण माह के बेर जिला म लइका मन ल मंगलवार अउ शुक्रवार ल विशेष टीकाकरण सत्र करके आईएफए अउ विटामिन ए के सिरप पिलाए जाहि। ए अवसर म सिविल सर्जन डॉ. यूएस चंद्रवंशी, जिला कार्यक्रम अधिकारी महिला एवं बाल विकास गुरूपीत कौर, जिला टीकाकरण अधिकारी डॉ. बीएल तुलावी, जिला कार्यक्रम प्रबंधक संदीप ताम्रकार, आरएमएनसीएच अउ सलाहकार डॉ. स्नेहा जैन, शहरी कार्यक्रम प्रबंधक पूजा मेश्राम अउ अन्य अधिकारी अउ कर्मचारी उपस्थित रहिन।