Jagdalpur : कलेक्टर रजत बंसल ह जिला सहकारी केंद्रीय मर्यादित बैंक के प्राधिकृत अधिकारी के पदभार करिन ग्रहण
जय जोहार…. शासन के निर्देश के अनुसार कलेक्टर रजत बंसल ल जिला सहकारी केंद्रीय मर्यादित बैंक जगदलपुर (Jagdalpur) के प्राधिकृत अधिकारी नियुक्त करे गे हे।
कलेक्टर बंसल ह आज बैंक के प्राधिकृत अधिकारी के पदभार ल ग्रहण करिस।
एखर बाद बैंक के मुख्य कार्यपालन अधिकारी अउ सबो अधिकारी मन के बइठक ले के कार्य के समीक्षा करिस।
(Jagdalpur) ए अवसर म बैंक के सीईओ ह बताइस कि संभाग म बैंक के कुल 44 शाखा अउ 178 समिति कार्यरत हे,
जेखर माध्यम ले किसान मन ल कृषक कार्य बर केसीसी ऋण, खाद, बीज ल उपलब्ध कराये जावत हे।
ए वर्ष किसान मन ल 394 करोड़ खरीफ केसीसी ऋण वितरण के लक्ष्य रखे गे रिहिस,
जेखर विरुद्ध एक लाख 12 हजार 208 कृषक मन ल 407 करोड़ के केसीसी ऋण वितरण करे गे हे।
संभाग म 44268 क्विंटल धान बीज के घलो वितरण करे गे हे।
उहचे खाद वितरण के लक्ष्य 64440 मि. टन हे। अब तक 55045 खाद वितरण करे गे हे, जेन कुल लक्ष्य के 89 प्रतिशत हे।
बैंक म कुल अमानत 950 करोड़ ऋण, बकाया 607 करोड़ अउ बैंक के कार्यशील पूंजी ह 1317 करोड़ रूपिया हे।
संगेसंग गोधन न्याय योजना के तहत (Jagdalpur) संभाग म 981 गौठान के खाता खोले गे हे,
जेमा ले 10952 हितग्राही मन ल गोबर विक्रेता के राशि 12 लाख 71 हजार 121 रूपिया ओखर खाता म जमा करे गे हे।
ए दौरान कलेक्टर ह बैंक के सबो कक्ष, सभागृह के निरीक्षण करिस अउ सबो अधिकारी मन ले परिचय प्राप्त कर के गोधन न्याय योनजा, फसल बीमा अउ सबो कार्य के लक्ष्य अनुरूप पूर्ण करने, संभाग के सबो किसान मन ल केसीसी ऋण, खाद, बीज समय म उपलब्ध कराय के निर्देश दे हे। बइठक म बैंक के मुख्य कार्यपालन अधिकारी आरए खान, विपणन अधिकारी आरबी सिंह, एसए रजा आदि आन अधिकारी उपस्थित रिहिस।
