Chhattisgarh : कलेक्टर्स कान्फ्रेंस अब होही 21 अक्टूबर के, सीएम भूपेश बघेल करही अध्यक्षता, पढ़व
जय जोहार…. Chhattisgarh मुख्यमंत्री भूपेश बघेल के अध्यक्षता में ए महीना आयोजित होवइया कलेक्टर्स कॉन्फ्रेंस, पुलिस महानिरीक्षक अउ पुलिस अधीक्षक मन के कॉन्फ्रेंस तिथि म संसोधन करे गेहे।
कलेक्टर्स कॉन्फ्रेंस अब 21 अक्टूबर के अउ पुलिस अधीक्षक-पुलिस महानिरीक्षक मन के कॉन्फ्रेंस 22 अक्टूबर के आयोजित करे जाही । (Chhattisgarh ) दुनो कॉन्फ्रेंस ह निर्धारित तिथि के बिहनिया 10 बजे ले रईपुर के न्यू सर्किट हाउस ऑडिटोरियम म आयोजित होही।
मुख्यमंत्री बघेल 21 अक्टूबर के कलेक्टर्स कॉन्फ्रेंस म लोक सेवा गारंटी अधिनियम के तहत प्राप्त प्रकरण के निराकरण, राजस्व विभाग के अंतर्गत नामांतरण, सीमांकन, बंटवारा के प्रकरण के निराकरण अउ खरीफ 2021 के अंतर्गत गिरदावरी काम के प्रगति, नजूल भूमि के व्यवस्थापन, आबंटन, नजूल अउ आबादी भूमि फ्री होल्ड के स्थिति के समीक्षा करही।
(Chhattisgarh ) मुख्यमंत्री ए बइठक म समर्थन मूल्य म धान खरीदी के तैयारी, जल जीवन मिसन के प्रगति, कोविड-19 की संभावित वेव से निपटे के तैयारी, हाट बाजार क्लिनिक योजना, शहरी स्लम स्वास्थ्य योजना, सस्ती दवा योजना, शहरी अउ ग्रामीण क्षेत्रों में ईडब्ल्यूएस (म्ॅै) वर्ग बर आरक्षित 15 प्रतिशत भूमि की उपलब्धता एवं बंटन के स्थिति के घलो समीक्षा करही।
