CG : रघुनाथनगर म खुलही कॉलेज : मुख्यमंत्री भूपेश बघेल
जय जोहार। (CG) मुख्यमंत्री भूपेश बघेल ह आज अपन भेंट-मुलाकात कारीकरम के तीसरइया दिन प्रतापपुर विधानसभा क्षेत्र के रघुनाथनगर म मनखे मन ले कई ठीन जनकल्याणकारी कारीकरम के क्रियान्वयन के जानकारी लीन । वो हा ए मउका म युवा के मांग म रघुनाथनगर म कॉलेज खोले , वाड्रफनगर म मिनी स्टेडियम अउ अपर कलेक्टर के लिंक कोर्ट प्रारंभ करे के संग रघुनाथनगर म तालाब निर्माण के घोसना करीन ।
(CG) मुख्यमंत्री भूपेश बघेल ह रघुनाथनगर के चौपाल म आम नागरिक मन के सिकायत म तत्काल कार्यवाही करत वाड्रफनगर तहसील कार्यालय म पदस्थ पटवारी पन्नेलाल सोनवानी ल निलंबित करे के निर्देस दीन। पटवारी के खिलाफ किसान मन ले रिश्वत ले के सिकायत करे गे रिहीस। मुख्यमंत्री ह रघुनाथनगर सामुदायिक स्वास्थ्य केंद्र म अत्याधुनिक एक्सरे मशीन के लोकार्पण करीन । मुख्यमंत्री ह रघुनाथनगर के तहसील कार्यालय अउ स्वामी आत्मानंद इंग्लिश मीडियम स्कूल के घलो निरीक्षण करीन।
