chhattisgarh : भाजपा प्रदेस कार्यालय म आज होही कारीकरम ‘वन्दे मातरम्’, भाजपा सांस्कृतिक प्रकोष्ठ ह करही आयोजन
जय जोहार…. (chhattisgarh ) प्रदेस भाजपा सांस्कृतिक प्रकोष्ठ डहार ले 75वां स्वतंत्रता दिवस के पूर्व संझा सनिच्चर के सांस्कृतिक कारीकरम ‘वन्दे मातरम्’ के आयोजन करे गेहे। ए कारीकरम ह संझा 4 बजे ले रईपुर के डूमरतराई म कुशाभाऊ ठाकरे स्मृति परिसर स्थित भाजपा प्रदेस कार्यालय के सभागार म सुरु होवइया हे।
ए आयोजन म भाजपा के राष्ट्रीय उपाध्यक्ष अउ पूर्व मुख्यमंत्री डॉ. रमन सिंह मुख्य अतिथि होही। (chhattisgarh ) कारीकरम के अध्यक्षता ल प्रदेस भाजपा अध्यक्ष विष्णुदेव साय करही। प्रदेस विधानसभा म नेता प्रतिपक्ष धरमलाल कौशिक कारीकरम के मुख्य वक्ता होही।
भाजपा सांस्कृतिक प्रकोष्ठ के ए रंगारंग आयोजन म छत्तीसगढ़ के सुप्रसिद्ध कलाकार, गायक-गायिका अउ अभिनेता-अभिनेत्री मन डहार ले देसभक्ति म आधारित सांस्कृतिक कारीकरम प्रस्तुत करे जाहि। (chhattisgarh ) ए कारीकरम म भाजपा प्रदेस संगठन महामंत्री पवन साय, संसद सदस्य सुनील सोनी, वन औषधि बोर्ड के पूर्व अध्यक्ष रामप्रताप सिंह, पूर्व विस अध्यक्ष अउ प्रदेस भाजपा कोषाध्यक्ष गौरीशंकर अग्रवाल, विधायक बृजमोहन अग्रवाल उपस्थित रही।
