भिलाई. भिलाई इस्पात संयंत्र म गुरूवार के संझा हंगामा हो गिस. इंहां गेट म कामगार मन के बड़का भीड़ लग गिस. नारेबाजी अउ सोर सराबा मन के बीच कर्मचारी विरोध करे लगिस. देखत- देखत ये धरना म तब्दील हो गिस.
येखर बाद हालात म काबू पाए बर पुलिस फोर्स पहुंचिस. मगर मसला सुलझिस नई. अंधेरा होय अउ 11 बजे रात तक हंगामा जारी रहिस हे. इलाका के विधायक देवेंद्र यादव घलो मउका म पहुंचिन अउ अधिकारी मन ल धमकाइस.
दरअसल प्लांट म नवा नियम लागू करे गिस. येखर सेती संयंत्र के मेन गेट बोरिया गेट समेत सबो गेट म अब ड्यूटी बदले संग खुलही अउ बंद हो ही. गेट म प्रवेस करइया कोनो भी व्यक्ति 8 घंटे बाद ही संयंञ ले बाहिर आ सकही.नवा नियम के तहत दुपहर खाना खाए बर घर जावइया लोगन ह जब मेन गेट म पहुंचिन त उहां तइनात सी.आई.एस.एफ.के जवान मन ह जाए बर नई दिस. जेखर कारन उहां विरोध के स्थिति उत्पन्न हो गस.
कई घंट मन तक हंगामा जारी रहे के बाद प्रबधंन के तरफ ले देर संझा एक खत आइस. जेमा नियम मन ल पहिली जइसे लागू करे के बात कहे गिस. ये पत्र ल विधायक देवेंद्र ह सबो प्रदर्शनकारी कामगार मन ल दिखाइस. अब कर्मचारी मन ले 8 घंटा के बंधन आए-जाए म हटा लेय गिस हे.
Other Articles
11 के होना हे वोटिंग, पर्ची म लिखे हे 18
