रायपुर। जनता कांग्रेस छत्तीसगढ़ जे ह सुकमा एसपी जितेन्द्र शुक्ला के
तबादला ल ले के सरकार उपर निसाना साधिस हे. एखर संगेत जेसीसीजे ह नेशनल
हेराल्ड ल 50 लाख के विज्ञापन घलो दे के घलो आरोप लगाइस हे. उहें एला ले
के जेसीसीजे प्रदेश अध्यक्ष अमित जोगी ह चुनाव आयोग ले शिकायत कर जांच के
मांग करिस हे. अमित जोगी ह कहिन, आयोग ए दूनों मामला म तत्काल जांच कर
कार्यवाही करय ताकि निष्पक्ष चुनाव प्रदेस म हो सकय.
अमित जोगी ह कहिन, राज्य शासन के एक मंत्री के दबाव म अति-संवेदनशील
सुकमा ज़िला के पुलिस अधीक्षक के तबादला कर देय गिस. उक्त अधिकारी ह अपन
स्थानीय विधायक अउ शासन के मंत्री के थानेदार ल हटाए के निर्देश के पालन
करे ले इनकार कर दिस अउ ए कारन प्रदेस सरकार द्वारा उंखर पदस्थापना के
दू महीना बाद ही स्थानांतरन पुलिस मुख्यालय रायपुर कर देय गिस. एखर ले
निश्चित रूप ले बाक़ी अधिकारी मन म घलो प्रशासनिक भय अउ आतंक के वातावरन
निर्मित होवत हे. जे चुनाव के निष्पक्षता बर घातक सिद्ध हो ही.
उहें उमन ह आयोग ल लिखे पत्र म ए घलो कहिन के, इंडियन नेशनल कांग्रेस ले
सम्बद्ध दैनिक अख़बार “नेशनल हेरल्ड” ल बतउर विज्ञापन राज्य सरकार ह 50
लाख के राशि देय गिस हे. ए अख़बार के ना त छत्तीसगढ़ म कोनो प्रभाव हे अउ
न ही कोनो कार्यालय. अइसन केवल अपन राजनीतिक दल ल जनता के पइसा ले फ़ायदा पहुंचाए के उद्देश्य ले करे गे हे.
Other Articles
निराश कार्यकर्ता मन ल रिचार्ज करिस अमित जोगी ह
आईपीएस जितेन्द्र शुक्ला के तबादला बनिस राजनीतिक अखाड़ा
