रायपुर प्रेस क्लब …..भाजपा प्रदेस प्रभारी के व्यवहार के निंदा

रायपुर। रायपुर प्रेस क्लब ह भारतीय जनता पार्टी के प्रदेस प्रभारी अनिल जैन के संवाददाता सम्मेलन के दउरान एक वरिष्ठ पत्रकार द्वारा पूछे गे सवाल के जवाब म संयम खो के उमन द्वारा कांग्रेस समर्थक ठहराए जाए के कड़ा प्रतिवाद करत हुए तीव्र भर्त्सना करिस हे।

रायपुर प्रेस क्लब अध्यक्ष, महासचिव, उपाध्यक्ष समेत सबो पदाधिकारी अउ सदस्य मन ह ए अप्रिय प्रसंग म प्रतिक्रिया व्यक्त करत हुए कहिन के जब राजनीतिक दल मीडिया ल आमंत्रित कर के अपमानजनक व्यवहार करही, त एखर ले सामाजिक-राजनीतिक संतुलन बिगड़ जाही।

छत्तीसगढ़ के पत्रकारिता अपन निष्पक्षता अउ बेबाकी बर पहिचाने जाथे। इहां के पत्रकार बिरादरी कोनो दल विसेस के विरोधी अथवा हिमायती नइए। अध्यक्ष ह कहिन के, एक राष्ट्रीय पार्टी के बड़ ओहदेदार ले संयम अउ सद्भाव आचरण के उम्मीद करे जाथे। अगर जैन ल कोनो सवाल म आपत्ति रहिस हे त ओला विनम्रता पूरवक व्यक्त कर सकत रहिस हे। जैन ल ए स्मरन  होना चाही के मीडिया विपक्ष के सबले बड़ सहयोगी होथे, जे जनहित म सदैव संघर्ष करत रहिथे अउ करत रहही।