मुख्यमंत्री ने स्व.गोविन्दलाल वोरा के घर जाके शोक-संवेदना प्रकट करिस

रायपुर। मुख्यमंत्री डॉ. रमन सिंह ह आज वरिष्ठ पत्रकार स्वर्गीय गोविंद लाल वोरा के चौबे कॉलोनी के निवास जाके स्व. वोरा के बड़े भाई अउ मध्यप्रदेश के पूरव मुख्यमंत्री मोतीलाल वोरा अउ उंखर परिजन मन ले मुलाकात करिन। डॉ. सिंह ह गोविंदलाल वोरा के निधन म शोक-संवेदना प्रकट करिस। स्वास्थ्य मंत्री अजय चन्द्राकर घलो मुख्यमंत्री के संग रहिन हे। डॉ. सिंह अउचन्द्राकर ह स्व. गोविन्दलाल वोरा के चित्र म पुष्प अर्पित कर उमन ल विनम्र श्रद्धांजलि दीस। पूरव राज्यसभा सांसद गोपाल व्यास अउ विधायक अरूण वोरा घलो ये मवउका म उपस्थित रिहिन हे।