नगरीय निकाय अऊ जनपद म भाजपा के विजयी सदस्य मन के महासम्मेलन 28 मार्च ले, कोर कमेटी के बैठक म होइस फैसला

जय जोहार रायपुर…  21 मार्च के भाजपा प्रदेश पदाधिकारी मन के अहम बैठक होही। एखर बाद 28 अऊ 29 मार्च के भाजपा के विजयी सदस्य मन के महासम्मेलन के आयोजन करे जाही। ये बात के जानकारी भाजपा प्रदेश अध्यक्ष विक्रम उसेंडी ह कुशाभाऊ ठाकरे परिसर म होइस कोर कमेटी के बैठक के बाद दिस।

भाजपा प्रदेश अध्यक्ष ह बताइस कि बैठक म आगामी समय म प्रदेश पदाधिकारी मन के बैठक के समय ल तय करे गे हे। एखर संगेसंग नगरीय निकाय चुनाव म जीते पार्षद मन के आगामी समय म सम्मेलन आयोजित करे जाही। ऊहचे बीजेपी के जिला पंचायत अऊ जनपद पंचायत के सदस्य मन के प्रदेश स्तरीय सम्मेलन होही। राष्ट्रीय पदाधिकारी मन ल हरेक जिला म जाके मंडल अऊ चुने जनप्रतिनिधि के संग पब्लिक कार्यक्रम तय करे गे हे, जेखर एजेंडा बैठक म बनाए गे हे।